Зошто се јавуваат рано будење и несоница поради работа во смени и стрес на работа?

Здравјето претставува ритам, односно усогласеност на времето за активност, одмор и сон. Проблемите кои ги наведувате секако се тема за размислување, препознавање на емоциите и потребите што произлегуваат од нив, како и поставување на цели и приоритети. Разговор со психолог би можел да помогне, но и самите можете многу да си помогнете. Во дневниот распоред треба да се воведе и време за опуштање, шетање и разонода, колку и малку време да имате за тоа. Заспивањето треба да биде момент во кој веќе сте ги завршиле дневните активности, направили сте краток преглед на денот во себе, донесени се заклучоци за важните теми, и сè останато е одложено настрана за мирен сон. Здравите животни навики се основа на здравјето и напредокот на сите нивоа, па вреди да се потрудите.