Притисок во главата, безволност и страв од неизвесност - што да направам?

Во ова време на пандемија сите сме изложени на зголемени напори да ја прифатиме и надминеме опасноста од вирусот, неизвесноста, стравот за себе и за најблиските, како и другите проблеми. Начинот на кој ќе се справиме зависи од многу фактори, вклучувајќи ја и структурата на личноста. Ако чувствувате дека сами не можете да го решите проблемот, можете да разговарате со стручни лица - најпрво со психотерапевт или психолог. Не може да се очекува дека еден совет или разговор ќе го реши сè. Обично е потребен подолг период на разговори и поддршка за да се почувствувате подобро.