Како да се преживее губењето на бебето во петтиот месец од бременоста по вонтелесно оплодување?

Губењето на посакувано дете во петтиот месец од бременоста, дополнително постигната преку вонтелесно оплодување, е тежок стрес и потребна е голема сила, но и помош, за да се надмине загубата и да се продолжи понатаму. Во овој момент е важно да ја насочите својата енергија кон совладување на стресот и кон сопствениот опоравок. Подоцна ќе има време да се обиде повторно со вонтелесно оплодување, или можеби ќе посакате некое друго решение. Сега сте најважни Вие самата - дајте си време, но побарајте и помош од психотерапевт. Во мирна и емпатична средина, полека, чекор по чекор, ќе се опоравите.