Зошто чувствувам грч и страв при обид за сексуален однос со партнер?

Стравот кој го чувствувате не е ништо ново и сигурно не сте единствен случај. Секоја девојка на Ваша возраст може да наиде на слични проблеми и да се најде во истиот или сличен страв. Пред сè, потребно е да имате доверба во својот партнер, а секако е пожелно и препорачливо тој да ја заслужи таа доверба. Препорачувам Вие и Вашиот партнер, пред следниот обид за сексуален однос, заедно да се информирате - преку интернет, книга или прирачник - за можните начини и пристапи кон сексуалните искуства на кои двајцата треба да посегнете. Не е доволно само Вие да се интересирате за оваа тема, туку е од голема важност и Вашиот партнер да се вклучи во решавањето на овој проблем. Затоа советувам да го активирате и заедно да се едуцирате колку што е можно повеќе на оваа тема - така најлесно ќе го надминете стравот, ќе стекнете доверба во партнерот и ќе научите работи за сексуалниот однос кои досега не сте ги знаеле. Советувам исто така да посветите внимание на меѓусебно запознавање преку различни начини на допир на одредени делови од телото, и да се информирате за начини на кои можете да го зголемите заемното возбудување. Советувам да му напоменете на партнерот да инсистира на нежности, што може да доведе до опуштање, а можеби и до постепено, чекор по чекор, експериментирање. Не посегнувајте по супстанции кои наводно ги намалуваат инхибициите, како алкохолот, бидејќи со тоа не се олеснува ситуацијата - напротив, самиот чин може подоцна да Ви стане одбивен. Подобро е да сте свесни и да уживате во секој момент, бидејќи токму тоа е поентата. Ако и понатаму имате проблем, советувам да се консултирате со психолог, за да се утврди дали можеби постои некој друг, подлабоко вкоренет проблем, кој може да е поврзан со начинот на воспитување и одгледување.