Стрес и дијареа поради постојани конфликти со татко и свекрва - што да правам?

Оптималната дистанца и асертивното однесување се основа на секоја успешна комуникација. Тоа значи да прво поставите граници во односите со луѓето, за да го зачувате и самопочитувањето и почитта кон себе и другите, дозволувајќи си да имате различни ставови, мислења и цели. Иначе кажано, ако имате сопруг и дете, вие тројцата сте нова, млада фамилија. Членовите на примарните семејства - и вашето и на партнерот - имаат свои улоги, но не треба да им дозволувате да влегуваат во проблемите кои сега се само ваши. Самостојноста е услов за добро функционирање; доколку не сте се осамостоиле, тогаш односите се посложени, но токму тоа е причина повеќе да научите како да се однесувате и како да ги решавате конфликтите асертивно, почитувајќи и себе и другите. Со оглед на тоа што проблемите кои ги наведувате се значајни, мислам дека треба да побарате и помош во решавањето на семејната проблематика. Помош можат да пружат центрите за социјална работа, пред сè. Побарајте помош.