Што значи хронично чувство на празнина?

Зад чувството на празнина и страдање стојат многу непрепознати емоции и потреби кои не се задоволени ни сега, ни некогаш во минатото. Најдобро е да се побара психолошка помош од стручно лице – психолог или психотерапевт – кој низ серија разговори, со разбирање и стручност, ќе помогне полека да се разоткрие клопчето на заплеткани чувства, уверувања, потреби и конфликти. Во таквата работа, стручното лице ви пружа безусловно прифаќање, доверба, сочувство и разбирање. Тоа ги одразува вашите непрепознати чувства и заедно со вас работи да разберете кога тие чувства настанале и кои незадоволени потреби стојат во нивната основа. Кога сме били деца, задача на родителите било да ни помогнат во тоа. Сега тоа е наша сопствена задача – да осознаеме што ни пречи, да разбереме зошто, а потоа да преземеме одговорност за себе и да се потрудиме да си дадеме најдобро од себе, да го промениме тоа што можеме, и да прифатиме тоа што не можеме да го промениме. Тогаш и чувството на празнина ќе стане појасно, бидејќи тоа само крие многу непрепознати или потиснати чувства и потреби, но и уверувања кои треба да се преиспитаат и да се промени во рационални, реални ставови кои нас водат кон целта.