Што значат нагли промени на расположението?

Не би се изјаснила веднаш за дијагноза. Важно е што го препознавате својот проблем - нагли промени на расположението. Преведено на јазикот на психодинамскиот метод, тешко ја толерирате фрустрацијата и не ги согледувате целосно себеси, другите и проблемот, па оттука одделените слики делуваат или воодушевувачки или застрашувачки. Средината е реалност - ништо не е ниту само добро ниту само лошо. За да ги развиете своите способности за посозреана обработка на емоциите, од помош може да биде психотерапијата, која се одвива низ серија разговори со едуцирана личност. Верувам дека тоа би ви помогнало.