Што да правам кога ми се допаѓа едно момче?

Момчињата обично созреваат малку побавно од девојчињата. Не е невообичаено млада личност да се стеснува и да не се снаоѓа со првите симпатии и љубови. Од твоето убаво писмо стекнувам впечаток дека и ти му се допаѓаш на момчето. Ако навистина ти е важен, како што изгледа, обиди се да бидеш стрплива. Едноставно, биди искрена и однесувај се автентично, како до сега, не го притискај и не инсистирај на контакт преку социјалните мрежи. Комуникацијата во живо е најдобра комуникација. Во твоите години е многу важно и припаѓањето кон групата врсници - тоа е фаза во развојот. Затоа, земи предвид и потребата на момчето да припаѓа на својата група врсници. Со трпение, внимание, достоинство и труд, верувам дека ќе се разберете со момчето. Дали врската ќе се оствари и ќе биде успешна не можеме да знаеме со сигурност, но со сигурност можам да кажам дека за своите желби и соништа треба да се потрудиш.