На која возраст да му се каже детето дека е посвоено, без трауматично искуство?

Ова е деликатно прашање. Детето треба од најмала возраст постепено да се воведува во темата за посвојувањето, најпрво преку бајки и приказни (на пример Пиноќо, Биберче), каде општо се објаснува дека многу деца не растат во мамината стомак, но мама и тато секогаш се тука да ги сакаат и чуваат. Околу двегодишна возраст веќе може директно да се каже детето дека не сте го родиле биолошки, но сте засекогаш неговата единствена мама. Разговорот треба да продолжи со години. За биолошките родители не треба да се говори како за мама и тато, туку како за трето лице, на пример тетка или чичко. Важно е во тие разговори да се чува спокојство, што ќе го опушти и детето да зборува за темата кога само ќе посака. Значи, приказната за посвојувањето е долготраен процес, проследен со многу љубов и внимание.