Која е причина за долготрајна несоница?

Несоницата може да биде последица на разни психички или физички здравствени проблеми, како и на надворешни неповолни фактори. На прво место треба да се исклучат можни органски нарушувања на здравјето кои предизвикуваат чувство на вознемиреност и несоница, како на пример хипертензија или астма. Ништо помалку важно не е и психичкото здравје. Современиот начин на живот обично го нарушува природниот циклус на спиење и будност, па е важно обврските да се усогласат со сопствените можности. Препознавањето на сопствените чувства и потреби е прв чекор кон подобро разбирање на себеси, а потоа и кон пронаоѓање начин да се вратиме во своја природна состојба на рамнотежа.