Како да се стане психички поотпорен на стрес?

Толеранцијата на фрустрации се развива постепено, уште во раниот развој, во присуство на родители или старатели кои имаат развиени способности за љубов и работа. Понекогаш тој развој има неповолен тек. Во вакви случаи би помогла психотерапија во подолг временски период, како и работа со психолог. Проблемот не може да се реши веднаш - потребно е време низ разговори да се разбере што плаши, што може да се толерира, а што не, како и зошто се случува тоа. Во секој случај, развојот на оваа способност, како и на другите способности за љубов и работа, може да продолжи со помош на едуцирана личност. Потребни се време и трпение. Обидете се прво да се прифатите себеси со сите доблести и мани, односно целосно - тоа е почеток на подобро функционирање.