Како да се справам со стресот кога се грижам за болен член на семејството?

Разбирливо е што чувствувате бес, тага и страв во ситуација кога се грижите за болен и неподвижен родител. Дури и кога социјалната и економската ситуација би била подобра, грижата за болен член на семејството носи голем стрес, болка, одговорност и љубов, заедно со многу помешани емоции и нераспознаени потреби кај сите вклучени. Потребна е добра поделба на обврските во семејството околу болниот член, но со многу толеранција, бидејќи распределбата на товарот никогаш не е идеална. Суштината е да ги препознаете сопствените емоции и потреби, како и емоциите и потребите на останатите членови на семејството, па да се обидете да согледате кој е заедничкиот проблем и кои се можните решенија. Изберете онолку обврски колку што реално можете да ги преземете. Потоа јасно поставете граници кон себе и кон блиските. Побарајте помош од пријатели, соседи и институции. Не заборавајте дека и овој период од животот е пролазен. Толерирајте ја фрустрацијата онолку колку што можете – борете се и истрајте.