Како да се справам со грижата за член на семејството со деменција и мултипла склероза?

Животот со болен од деменција и мултипла склероза е тежок за секого. Потребна е добра организација околу негата на болниот – финансиска, емоционална и социјална поддршка и помош, како и добра распределба на обврските за да можете да издржите. Другите членови на семејството треба да ги делат обврските и трудот околу болниот. Можно е некој да е нервозен и тешко да ја прифаќа ситуацијата, но не е во ред целиот товар да падне само на едно лице. Побарајте помош од лекар, а потоа и од Центарот за социјална работа, каде што можете да побарате медицинска обработка за туѓа нега и помош, што ќе олесни функционирањето. Постојат и здруженија на граѓани за лица со вакви заболувања и нивните семејства – искористете ги нивните ресурси, како и психолошка поддршка, на пример преку Домот на здравје или Центарот за социјална работа. Пријателите и роднините исто така можат да помогнат. Важно е да се грижите и за себе, бидејќи носите голем емоционален товар. Побарувањето помош е знак на зрелост.