Како да продолжам понатаму во врска со момчето кое родителите не го прифаќаат целосно?

Убаво е што сте нашле личност која ви се допаѓа. Во првата фаза на заљубеност сите сме склони кон идеализирање на партнерот – гледаме само најубавата страна од неговата личност или тоа што ние го посакуваме. За да преминеме во фаза на зрела љубов, покрај одлуката да сакаме, потребно е подобро да го запознаеме партнерот и да развиваме взаемност во тој однос. Родителите веројатно токму тоа го сакаат – подобро да се запознаете со партнерот и да се чувствувате безбедно во таа врска. Обидете се да имате трпение, да ги слушате и себеси и добронамерниот родителски совет, и трудете се да го запознаете момчето подобро и реално да ја процените ситуацијата. Верувам дека ќе успеете во тоа, ако и момчето е подготвено на взаемност, почит, труд и трпение.