Дали е нормално зголемувањето на сексуалната желба по смртта на сопругот?

По смртта на сакана личност настапува период на тагување, кој има неколку фази. Една од првите фази е фазата на порекнување, односно неприфаќање на болната вистина дека сопругот починал, што е можно да се случува кај Вас во моментов. Можно е зголемената сексуална желба всушност да претставува порекнување на болниот настан. Дури со прифаќањето на загубата настапува вистинската фаза на тагување, која постепено, низ проживеаната болка, ќе Ве излекува со текот на времето. Болката не може да се избегне, ниту треба да се плашите од неа. Препуштањето само на секс, без партнерска врска исполнета со чувства и заемност, не ги исполнува луѓето и не води кон решение на Вашиот основен сегашен проблем.