Зошто тежината стагнира во вториот месец на УН диетата?

И покрај големата популарност, примената на УН диетата не е медицински оправдана. Главната причина за нејзината популарност лежи во тоа што се работи за диета со низок калориски внес, пред сè поради денот со овошје, а значаен енергетски дефицит се постигнува и со денот на гладување. Меѓутоа, три оброка не се основа за забрзување на метаболизмот. Едноставно, за да се одржи нивото на шеќер во крвта што порамномерно, покрај трите главни оброка потребно е да се внесат и неколку овошни ужини, а тоа оваа диета не го предвидува. Стручњаците од областа на исхраната тврдат дека не постојат докази дека ваков пристап на исхрана, во кој се избегнуваат одредени групи намирници, долгорочно помага во мршавеењето. Потребно е да се внесува храна во оптимални количини доколку сакате да го зачувате здравјето – погрешно е еден ден да биде протеински, друг скробен, трет јаглехидратен, а четврти овошен. Секој ден треба да внесуваме и белковини, и масти, и јаглехидрати, како и влакна, минерали и витамини. Затоа, доколку сте приврзаник на УН диетата, погледнете на форуми искуства на луѓе кои ја спровеле оваа диета и дали имале слични ефекти како кај вас, и вклучете физичка активност. Целта на секоја диета е промена на навиките во исхраната. Затоа стручниот совет е да се премине на исхрана со 5 помали оброци на секои 3-4 часа: појадок (интегрални лапчиња, јогурт или овесна каша), овошна ужина (околу 200 г овошје), ручек (околу 150 г печено месо или риба, салата), овошна ужина (едно овошје, неколку бадеми) и вечера (зеленчукова супа или печен зеленчук, парче риба тон). На тој начин тежината се губи побавно, но ако по диетата се продолжи со редовни, урамнотежени оброци, нема повторно за кратко време да се враќате на диета. Важно е ниту една намирница целосно да не се исклучува од исхраната.