Зошто не можам да ослабнам 4-5 кг и покрај диета и вежбање?

Многу луѓе со прекумерна тежина, во желба да брзо изгубат килограми, посегнуваат по разни дијети најдени на интернет, кои се појавуваат честопати без научна основа, а некои нивни креатори имаат само интерес да профитираат. Со практикување на такви дијети лесно се влегува во маѓепсан круг на губење и повторно враќање, а често и надминување на почетната тежина - познат како јо-јо ефект. Ова постојано осцилирање на телесната тежина несомнено негативно влијае врз здравјето. Циклусот на гладување, потоа јадење, а потоа повторно ниско-калорична исхрана, го излага телото на дефицит на енергија, витамини и минерали. По неколку години телото јасно покажува знаци дека повеќе не може да го издржи ова, но многу луѓе го игнорираат тоа предупредување и сериозно го загрозуваат своето здравје. Многу дијети се нездрави и научно неиспитани. Секоја дијета која е екстремно богата или сиромашна со протеини и јаглехидрати е потенцијално опасна. Некои од нив резултираат со брзо губење на килограми, но во основа се базираат само на губење на телесна вода. Како последица на такви дијети можни се бројни компликации - губење на минерали и витамини, оштетување на бубрезите, губење на мускулна маса и други здравствени проблеми. Гладувањето, модерните дијети, разни пилули и препарати за слабеење не се здрави и не треба да се користат - многу од нив се опасни или нивното долгорочно дејство е непознато. Ниту еден од овие методи не дава трајно и одржливо губење на килограми. Затоа е важно да се промени стилот на живот и да се воведе здрава исхрана, задолжително придружена со редовна физичка активност.