Зголемен шеќер во крвта (7) со треперење и слабост без внес на слатко - што значи тоа?

Исхраната во комбинација со соодветна терапија е многу важна - всушност, исхраната на дијабетичарите претставува модел на правилна исхрана каков што би требало сите да го следиме. Временскиот распоред на оброците е многу важен за контрола на шеќерот во текот на целиот ден, затоа треба да се јаде секој ден во исто време и да не се прескокнуваат оброци. Храната треба да биде свежо приготвена, со предност на варење наспроти пржење, и да се избегнува додавање масти и силни зачини. Бројот на оброци треба да биде 5-6 дневно, рамномерно распоредени. Изберете претежно посни видови месо (пилешко, мисирско, телешко, риба). Се препорачуваат оброци од обрано млеко, а да се избегнуваат помасните млечни производи (павлака, кајмак, полномасни сирења). Супите и чорбите треба да содржат зеленчук, без масти и тестенини. Се препорачува црн, ’рж или граам леб, а кон оброк што содржи компир, ориз, грав или грашок не се препорачува леб. Тестенините треба да се избегнуваат, освен од интегрално брашно. Јајца да се јадат двапати неделно, а белката може и почесто. Не консумирајте слатки со концентриран шеќер и засладени сокови, бидејќи содржат едноставни шеќери и брзо го подигаат нивото на шеќер во крвта. Шеќерите да се внесуваат преку овошни оброци. Основа на исхраната нека биде зеленчукот (келераба, кељ, млад боранија, зелка, зелена салата, броколи, карфиол, пиперка, домат, краставица, модар патлиџан, тиквички, спанаќ, целер, ротквици). Многу е важно шеќерот во крвта да има одредена „здрава