Што се вештачки заслаѓувачи и дали се безбедни?

Нискокалоричен заслаѓувач е израз кој опишува материи со сладок вкус, со малку или без калории. Сите заслаѓувачи имаат многу поголема сладост од шеќерот, па на потрошувачите им овозможуваат сладок вкус без калории. Овие заслаѓувачи се употребуваат во сè поголем број прехранбени производи и пијалаци во Европа и во целиот свет. Високиот процент на дебелина покажува дека луѓето треба да се посветат на активен, здрав начин на живот и да се фокусираат на енергетската рамнотежа, односно да одржуваат баланс меѓу внесените калории и калориите потрошени преку физичка активност. Склоноста кон слатко е општочовечка особина. Слатката храна и пијалаци се изразито привлечни. Поврзувајќи го доживувањето на пријатен вкус со хранливоста, природата ја претворила сладоста во моќен поттик кој го обликува човечкото однесување во врска со исхраната. Цикламатот (Е952) и сахаринот (Е954) се заслаѓувачи кои не се метаболизираат и се излучуваат од организмот во непроменета состојба. Стабилни се на високи температури и можат да се користат за варење и печење. Многу се послатки од шеќерот и без калории се. Научниот комитет на ОН за храна потврдил нивна безбедност. Бидејќи заслаѓувачите не влијаат на инсулинот и на нивото на шеќер во крвта и не содржат калории, тие можат да бидат корисни за слабење и контрола на телесната тежина кај лица со дијабетес тип 2. Освен цикламат и сахарин, во употреба се и ацесулфам К (Е950), аспартам (Е951), сукралоза (Е955) и стевиол-гликозиди (Е960).