Што се нискокалорични засладувачи и дали се безбедни за употреба?

Нискокалоричен засладувач е термин со кој се опишуваат материи со сладок вкус, но со малку или без калории. Сите засладувачи имаат многу поголема сладост од шеќерот, па на потрошувачите им обезбедуваат сладок вкус без калории. Овие засладувачи се користат во сè поголем број прехранбени производи и пијалаци во Европа и во светот. Високиот процент на дебелина покажува дека луѓето треба да се посветат на активен и здрав начин на живот и да се фокусираат на енергетската рамнотежа, односно да ја одржуваат рамнотежата помеѓу внесените калории и калориите потрошени преку физичка активност. Склоноста кон слатко е општочовечка особина. Слатката храна и пијалаци се исклучително привлечни, бидејќи природата го поврзала пријатниот вкус со хранливоста, претворајќи ја сладоста во моќен поттик кој го обликува однесувањето на луѓето во однос на исхраната. Цикламатот (Е952) и сахаринот (Е954) се засладувачи кои не се метаболизираат и се излачуваат од организмот во непроменета состојба. Тие се стабилни на високи температури и можат да се користат за готвење и печење. Многу се послатки од шеќерот и без калории се. Научниот комитет на ОН за храна ја потврдил нивната безбедност. Бидејќи засладувачите не влијаат на инсулинот и нивото на шеќер во крвта и не содржат калории, тие можат да бидат корисни за слабеење и контрола на телесната тежина кај лицата со дијабетес тип 2. Освен цикламатот и сахаринот, во употреба се уште ацесулфам К (Е950), аспартам (Е951), сукралоза (Е955) и стевиол-гликозиди (Е960).