Што предизвикува надуеност на стомакот и како да се намали?

Надуеноста на стомакот најчесто ја предизвикуваат неправилна исхрана (потребно е да се јаде почесто, во помали оброци, со многу лесна вечера 3-4 часа пред спиење), недоволно џвакана храна, нетолеранција на лактоза (млечен шеќер), чувствителност на глутен, хормонална нерамнотежа, стрес или употреба на антибиотици. Предлог за вечерен оброк: 1) 80 г варен интегрален ориз со 150 г динстано зеленчук и 200 мл компот од слива. 2) 100 г варен јачмен или просо, 200 г мешан зеленчук варен на пареа, зачинет со 1 лажица маслиново масло. 3) 150 г варена ослич риба, 200 г варен компир и 200 г мешана салата (зелена салата, рукола, радич) зачинета со маслиново масло и балсамико оцет. Храната треба да се јаде полека и добро да се џвака секој залак. Треба да се избегнува спиење веднаш по оброкот. За вечера не треба да се јадат млечни производи, леб или тестенини. Намирници кои е препорачливо да се користат во борба против надуеноста се: краставица (како салата или за ужина), лубеница (за ужина), белки од јајце (како омлет), црно грозје (за ужина), студено кафе (наместо газирани пијалаци богати со шеќер), авокадо, бадеми и тиквички (на скара, како заситен оброк со ниска калориска вредност). Одредени зачини како анасон, ѓумбир, мента и мајчина душица ја намалуваат надуеноста.