Што да правам кога немам апетит?

Треба сами да се поттикнувате да јадете, дури и кога не сте гладни, со намирници кои ви се допаѓаат. При готвење е препорачливо да користите повеќе зачини, бидејќи тие го поттикнуваат апетитот (на пример лажичка цимет во јогурт, оригано во супи и бујони од зеленчук). Избирајте производи со голема хранлива вредност, но мали по волумен и количина (сирење, крекери, пудинзи, јогурт, овошен јогурт, сладолед, крем сирење, парченца сланина, зејтин преку салати и варен зеленчук, пире од компир со путер и млеко, чоколадни кремови, банани, млевен бисквит со овошна ужина, путер од кикирики). Одберете храна со помала содржина на вода, на пример сушено овошје, банани, ореви и семки, грашок, пченка — намирници богати со хранливи материи, кои содржат многу калории, но се внесуваат во помала количина. На пример, половина шолја сушени кајсии има околу 200 kcal, наспроти 80 калории во шолја свежи кајсии. Две парчиња интегрален леб со две лажички путер и рака сушени смокви или кајсии можат да додадат повеќе од 500 kcal, при што истовремено внесувате витамини, минерали и антиоксиданси. Салатите се одлични за поттикнување на апетитот, покрај потребните витамини — кисела храна ги стимулира органите за варење и поттикнува потреба за храна, па ќе посакате да јадете повеќе. Не пијте вода непосредно пред јадење, бидејќи водата зафаќа простор во желудникот и предизвикува чувство на ситост. Јадете здрави ужинки како ореви, семки од тиква или сончоглед. Чаша вино како аперитив исто така може да го поттикне апетитот. Витамините од групата Б, кои се содржат во пивски квасец, можат да помогнат во зголемувањето на апетитот — може да се земаат и во форма на додатоци со комплекс на витамин Б. Намирници богати со витамин Б3: печурки, туна, лосос, аспарагус, зелка, јагнешко месо, скуша, мисирка, домати, тиква, карфиол, интегрална пченица. Намирници богати со витамин Б5: печурки, брокула, грашок, леќа, домати, зелка, целер, јагоди, јајца, тиква, интегрална пченица. Недостатокот на цинк во исхраната исто така може да биде причина за слаб апетит. Намирници богати со цинк: остриги, ѓумбир, јагнешко месо, бакалар, млад грашок, ракчиња, бела репка, желток, интегрална пченица, раж, овес, кикирики, бадеми. Обидете се вашата исхрана да ја базирате на наведените намирници. Ако сте пушач и пиете доста кафе во текот на денот, тоа исто така го намалува апетитот.