Колку течност е потребна во бременоста?

Водата е многу важна во бременоста бидејќи влегува во состав на бебината крв преку која се пренесуваат сите хранливи материи потребни за раст и развој. Волуменот на крвта на мајката се зголемува во бременоста, па внесот на доволна количина вода е особено важен. Оптимална хидратација на организмот се постигнува со рамномерно пиење вода во мали голтки во текот на целиот ден. Во летните и потоплите дни се препорачува малку поголем внес на вода. Во бременоста најдобро е да се пие вода, но можат да се консумираат и свежо цеден сок, чајови и други напитоци кои придонесуваат за хидратација на организмот. Бремените жени треба да пијат помеѓу 1,8 и 2,5 литри вода дневно. Природната слабо минерализирана негазирана вода со ниска содржина на минерали е најдобра за организмот бидејќи не го оптоварува, а брзо и лесно се апсорбира, забрзувајќи го протокот на течности низ бубрезите.