Колку калории има белото месо?

Пилешкото месо е одличен извор на протеини, калциум, фосфор, железо и рибофлавин. Спаѓа меѓу најомилените видови месо и е помалку калорично од говедското, со помал процент на маснотии, но и со помалку витамин Б12, цинк и железо, а повеќе есенцијални масни киселини. Полесно се вари. Не сите делови на пилешкото месо имаат ист состав - белото пилешко месо содржи 20% помалку калории и двојно помалку маснотии од бутот или карабатакот. Исто така е двојно побогато со ниацин (витамин Б), но затоа е два до три пати посиромашно со цинк и железо. Калориската вредност на пилешкото бело месо без кожа изнесува 110 kcal на 100 грама.