Колку долго е безбедно да се земаат витамини од Б-комплекс и колкав е ризикот од хипервитаминоза?

Витамините од Б-групата се растворливи во вода и секој од нив има посебна улога во организмот. Разликуваат се по хемискиот состав, а поттикнуваат метаболизам, одржуваат здравје на кожата и мускулниот тонус, го подобруваат функционирањето на мускулниот систем и поволно влијаат на нервниот систем. Намирници богати со витамини од Б-групата се џигерот и другите изнутрици, рибата, живинското месо, квасецот, јајцата, пасулот, грашокот, оризот, млечните производи и други. Бидејќи се растворливи во вода, секој вишок се излучува преку урината, па затоа е потребно секојдневно да се внесуваат нови количини. Доколку потребната количина на витамини од Б-групата не се внесе преку редовната исхрана, се препорачува употреба на препарати. Овие препарати се користат кај несоодветна исхрана (гладување, строги диети), за закрепнување по тежок физички напор, за опоравување за време на болест и хируршки зафати, како и кај недостаток на апетит и губење на телесна маса. Витамините од Б-групата не се токсични, но во преголеми дози можат да му штетат на организмот. Секогаш треба да се обрне внимание на упатството од производителот.