Колкав треба да биде дневниот внес на калории?

Енергетските потреби на организмот, како и енергетската вредност на храната, се изразуваат во килокалории (kcal). Препораките за дневен енергетски внес зависат од полот, видот на работа, возраста и физичката состојба. Просечно, за мажи со слаба физичка активност изнесуваат околу 2000 kcal, до 3500 kcal за оние кои се физички активни. Кај жените се движат од 1800 kcal (слаба физичка активност) до 2800 kcal (физички активни). Клучот за успех е во паметниот внес на храна и задолжителната физичка активност, што придонесува за подобрување на метаболизмот, а со тоа организмот ги користи своите природни механизми за регулација на телесната тежина. Мерењето еднаш неделно е наједноставен начин да се утврди дали сте во енергетски баланс. Ако внесувате повеќе калории отколку што трошите, тоа ќе резултира со зголемување на телесната тежина, додека создавањето енергетски дефицит ја намалува. Бројот на калории потребен за енергетски баланс е крајно индивидуален и се менува од ден до ден во зависност од нивото на активност.