Колкав е препорачаниот дневен внес на витамини?

При користење на витаминските суплементи треба да се води сметка дека секоја личност има свои специфични потреби, кои зависат од генетското наследство, годините, полот, околината и начинот на живот. На пример, потребите за витамин C се поголеми кај пушачите отколку кај непушачите, бременоста ја зголемува потребата за железо, додека интензивното тренирање бара поголем внес на витамините од B-комплекс и на магнезиум. Најважно е да се внимава на правилна исхрана и да се внесува доволно свежо овошје и зеленчук, но често тоа не е доволно за да се задоволат потребите на организмот. Суплементите со витамини и минерали треба да се земаат во соодветни, препорачани дози кои нема да го нарушат здравјето. Затоа се препорачува да се обратите до нутриционист, кој ќе ви препорача соодветни суплементи и нивни дози во зависност од потребите на вашиот организам.