Колкав е препорачаниот дневен внес на калории?

Не постои храна од која се дебелееме или мршавееме сама по себе. Клучот е во паметен внес на храна и редовна физичка активност, што придонесува за подобрување на метаболизмот и овозможува организмот да користи сопствени природни механизми за регулација на телесната тежина. Мерење еднаш неделно е наједноставен начин да се утврди дали сте во енергетски баланс. Ако внесувате повеќе калории отколку што трошите, тоа ќе се одрази на зголемување на телесната тежина, додека создавањето енергетски дефицит ја намалува. Бројот на калории потребен за енергетски баланс е крајно индивидуален и се менува од ден во ден во зависност од нивото на активност. Покрај редовни оброци, внесувајте доволно вода и вежбајте најмалку еден час дневно.