Која вода е здрава за пиење?

Водата е најважниот макронутриент бидејќи се грижи за низа витални функции во нашиот организам. Внесот на течности во организмот е неопходен за нормално функционирање на бубрезите, срцето и кардиоваскуларниот систем. Улогата на водата во организмот е разновидна: речиси сите хемиски реакции во телото бараат вода, таа помага во регулацијата на телесната температура и во одржувањето на pH рамнотежата. Околу 60% од телесната тежина на возрасните луѓе е всушност вода. Мал недостаток на вода во организмот може да предизвика замор, главоболка и намалена концентрација. Дневно во просек губиме 2,5 литри течност преку урина и столица, потење, дишење... Во случаи на дијареа, повраќање или покачена телесна температура, организмот губи особено големи количини вода и електролити, кои е потребно да се надоместат. Бременоста и доењето се посебни состојби кои бараат дополнителни потреби за течности. Секогаш треба да се има на ум дека дехидратацијата може да доведе до сериозни компликации. Секојдневно треба да внесуваме онолку течност колку што сме потрошиле, при што треба да знаеме дека вода внесуваме и преку храната. Во согласност со тоа, се смета дека нашиот дневен внес треба да биде 1,5-2 литри течност. Секако, кај луѓето изложени на поголема физичка активност, како и кај бремените жени и доилките, потребите за течности се зголемени. Треба да се разликува флаширана вода за пиење од минерална вода. Флашираната вода за пиење може да се пие како чешмовка во неограничени количини, а минералната вода 1 до 2 чаши дневно. На пазарот постојат голем број флаширани и минерални води. Здравствено безбедна чешмовка и флаширана вода за пиење можат да се пијат неограничено.