Која храна е богата со антиоксиданси?

Антиоксидансите се нутриенти кои природно се наоѓаат во храната (витамини, минерали и ензими) и помагаат во борбата против потенцијално штетните ефекти на слободните радикали. Слободните радикали се хемикалии кои во телото настануваат при вообичаените метаболички процеси. Ги има во УВ зраците, чадот од цигари, издувните гасови, а настануваат и во храната при подготовка и подолго чување. Во организмот стапуваат во хемиски реакции со клетките, ги оштетуваат и иницираат појава на болести. За среќа, нашето тело создава и сопствени антиоксиданси и има механизми со кои се бори против слободните радикали, но исто така користи и антиоксиданси од храната што ја јадеме. Намирниците кои ги содржат овие елементи играат важна улога во намалувањето на оксидативниот стрес и спречуваат бројни болести поврзани со штетното дејство на слободните радикали. Затоа се препорачува во исхраната секојдневно да бидат застапени овошје и зеленчук. Намирници богати со антиоксиданси се: сурово какао во прав, црна чоколада, црвен грав, слива, бел лук, боровинка, капина, јагода, малина, спанаќ, јаболко, брокола, цвекло, црвена пиперка, тиква, диња, киви, модар патлиџан, карфиол, грашок, компир, зелена салата, моркови, боранија, кајсија, црно грозје, core-плодови (јаткасти плодови), црно вино, зелен чај, морски плодови и слично. Значи, во исхраната секојдневно мора да бидат застапени овошје и зеленчук, кои освен антиоксиданси содржат и растителни влакна, а малку калории и масти.