Која е правилна здрава исхрана?

Не постои специфичен начин на исхрана по 30-та година, но е многу важно што сте препознали кај себе дека добивате на телесна маса побрзо од порано и на тој начин сте се поттикнали да почнете да размислувате за исхраната. Тоа е важен предуслов за одржување на оптимална телесна маса во подоцнежниот животен период. Со избегнување на бело брашно, шеќер, сол и мрсна храна, а со тоа и со избегнување на бел леб, слатки, пекарски производи и алкохол во исхраната, можете да изгубите телесна маса. Со 34 години е неопходно да започнете да се занимавате со физичка активност — за почеток барем 3 пати неделно по 40 минути брзо одење. Најважно е придржувањето кон препораките за оброчно земање храна. Правилниот начин на исхрана подразбира пет оброци дневно — три главни јадења и две ужинки со овошје. Меѓу последната ужинка и вечерата треба да поминат повеќе од два часа. Вечерата не смее да биде обилна, бидејќи на тој начин го оптоваруваме желудникот. Умерените порции овозможуваат поголема заситеност, со постојано ниво на шеќер во крвта. Заборавете на брза храна, а ако веќе купувате готови јадења, тоа можат да бидат чорби, печена риба на скара или печено зеленчук на скара. Список на препорачани намирници кои се комбинираат за да исхраната не биде еднолична: Зеленчук: пиперка, броколи, келјаста прокелка, кисела зелка, карфиол, целер, цвекло, патлиџан, краставица, келераба, праз, зелена салата, рукола, морков, печурки, спанаќ, домат, тиквички, кромид, ротквица и млад грашок. Протеини и млечни производи: мешункасти растенија (грав, леќа, боб), јунешко месо, јајца (до 2 неделно), сите видови риба, дивеч, јагнешко месо, пилешко, мисирка, посен јогурт до 1% масти (две шолји дневно, до 400 мл) и млад сир под 25% масти (до 100 г). Житарки: пченица (варена), интегрален ориз, леб од цело зрно пченица, овес, зоб и просо, хељда, тонус леб. Напитоци: зелен чај, негазирана вода (најмалку 6 чаши дневно) и црно кафе (не повеќе од две шолји дневно, без шеќер). Масти: маслиново масло. Јаткасто овошје: бадеми (8 парчиња дневно) или ореви (4 парчиња дневно). Овошје (две порции дневно, до 400 г): малини, купини, боровинки, диња, јаболко, кајсија, грејпфрут, слива, киви, лимон, портокал, ананас и лубеница. Зачини: сите видови зачинско билје, кари, чили пиперка, бел лук, бибер, мускатно оревче, рен, цимет, ѓумбир, лимонов сок, сенф, винско сирче и ванила. Не досолувајте ја храната — користете умерено калиумова или морска сол.