Која дијета е соодветна за одржување на тежината по нејзино враќање?

Поимот „дијета“ потекнува од латинскиот збор diaeta, што означува уреден начин на живот во однос на исхрана, пиење, спиење, одмор, физичка активност и друго. Правилниот начин на исхрана подразбира пет оброци дневно – три главни и две ужинки – и многу е важно редовното распоредување на оброците. Најздраво е да се мршави преку нормална редукциона дијета, при што се внесуваат сите видови намирници. Тоа подразбира секојдневно консумирање зеленчук и овошје, интегрални житарки, млеко и млечни производи, месо најмногу 2-3 пати неделно, и риба два пати неделно – по можност морска, богата со омега-3 масни киселини. Денес имаме речиси неограничен пристап до храна, но не сме доволно физички активни, што создава притисок врз системот за регулација на енергетската рамнотежа и доведува до затајување во регулацијата, а со тоа и до зголемена телесна тежина. Клучот на решението е во паметниот внес на храна и во физичката активност. За да се подобри метаболизмот, односно да организмот подобро ги користи своите природни механизми за регулација на телесната тежина, физичката активност значително помага. Вежбањето, исто така, развива мускулатура, а колку повеќе мускули имате, толку повеќе калории се потребни за одржување на базалниот метаболизам. Многу дијети, колку и да се популарни, немаат медицинска оправданост. Експертите од областа на исхраната тврдат дека не постојат докази дека избегнувањето на одредени групи намирници долгорочно помага при мршавење. Евентуално може да се примени „медитеранската дијета“, која денес се смета за најздрав начин на исхрана, секако проследена со редовна физичка активност. – Љубиша Кнежевиќ, нутриционист