Кое е лековитото дејство на белиот лук и како да се спречи мирисот од уста после неговата употреба?

Од давнина е познато дека белиот лук е моќен природен лек. Современата медицина ги потврдува сите претходни сознанија поврзани со оваа билка. Белиот лук го снижува крвниот притисок и нивото на холестерол, а докажани се и неговите антибиотски својства, поради што често се користи како средство против прехлада и грип. Со редовна консумација се намалува ризикот од појава на карцином, се подига имунитетот на организмот, се штитат крвните садови и се намалува ризикот од срцев и мозочен удар. Оваа билка делува и против паразитски и габични инфекции. Претставува одличен антиоксиданс и помага во отстранувањето на замор, напнатост и вознемиреност. Благодарение на големата популарност во традиционалната медицина и докажаните поволни фармаколошки својства, на база на белиот лук е направен голем број готови фармацевтски препарати. Сепак, треба да се напомене дека е најдобро белиот лук да се консумира во свежа состојба. Напитоци како лимунада, зелен чај, чај од нане и млеко можат да помогнат во ослободувањето од арома на бел лук.