Каква треба да биде исхраната за дијабетичар на терапија со метформин, кој има и невропатија?

Потребна е здрава и разновидна исхрана, без концентрирани јаглехидрати и со помалку заситени масти, во количина која ја определува лекар, можеби во соработка со нутриционист, во зависност од здравствената состојба, телесната тежина, висината, гликемијата итн. Треба да се избегнуваат слатки, тесто, тестенини, компир, тикви, суво овошје, масно месо, свинско месо и сувомеснати производи. Препорачливо е да се јадат три помали главни оброци и две мали ужинки со овошје. Од намирниците се препорачуваат интегрални житарки, риба, посно месо (телешко, говедско, живинско без кожа), овошје и зеленчук, но лесно варени, печени, динстани или свежи – не пржени и не во тесто. Треба да се избегнуваат торти, колачи, преливи, мајонез и слични производи.