Каква треба да биде исхраната по операција на жолчно кувче?

По отстранување на жолчното кувче, исхраната е многу важна. Често се мисли дека по операцијата може да се јаде сè, но во првите месеци пациентот мора да се придржува кон хигиенско-диететски режим. Во почетокот треба да се јаде варена и пасирана храна, варено зеленчук и варено бело месо, печени јаболка и да се пијат благи чаеви. По еден месец постепено се воведуваат и други намирници. Често по операцијата можат да се појават почести столици, па треба да се избегнува црвено месо, млеко и млечни производи, како и масни оброци, пекарски производи, пржена храна и слаткиши. Трајно треба да се избегнуваат масни пецива, сланина, колбаси и пржено месо, пржени јајца, масни сирења, напитоци со павлака, посластки со путер, чоколадо и ореви, јаки зачини, оцет и мајонез. Три месеци по операцијата, исхраната треба да вклучува: леб (сите видови освен со додадени масти), житарки (сите видови, особено интегрални и ориз), месо (варено, печено или динстано без маст, посно говедско, јагнешко и пилешко), млеко и млечни производи (обрано млеко, јогурт до 1% маснотии, бело неммасно сирење), зеленчук (сè, а особено грав, леќа, грашок, шеќерна пченка, зелка, спанаќ, соја), овошје (сè, а особено јаткасто и бобичасто овошје, лубеница умерено, портокал, лимонов сок), десерти (овошна салата, овошен пудинг и сутлијаш), зачини (умерено сол и зачинско билје) и масти (маслиново масло).