Каква треба да биде исхраната по операција на срце?

Правилната исхрана е многу важна во превенцијата и лекувањето на кардиоваскуларните заболувања, а помага и во спречувањето на други болести како дијабетес, дебелина и покачени масти во крвта. Препорачливо е да се примени медитеранската исхрана, која денес се смета за најздрав начин на исхрана. Таа подразбира внес на храна со малку заситени, а многу незаситени масти и диетални влакна (маслиново масло, сусам, орев, авокадо, репично масло, ленено масло). Маслиновото масло го намалува холестеролот и крвниот притисок, па претставува добра замена за путер и маргарин. Обилно консумирање на овошје и зеленчук (зелен листен зеленчук, салати, супи од зеленчук) помага во намалување на телесната маса и во регулирање на мастите и шеќерот во крвта. Лебот може да се замени со компир и интегрален ориз. Треба да се јадат житарки од цело зрно, варена пченица, тестенини, леќа и разновидни сушени мешункасти растенија. Сините риби се богати со омега-3 полинезаситени масни киселини, кои го намалуваат триглицеридите, холестеролот, крвниот притисок, факторите на воспаление и тромбоза. Дланка ореви, бадеми или лешници се одлична замена за пржени и солени грицки. Кај кардиоваскуларните заболувања многу е важно да се ограничи внесот на сол. Секоја препорачана диета мора да биде индивидуална, во согласност со нутритивната и општата здравствена состојба на пациентот. Неопходна е и физичка активност, која треба да одговара на способностите и можностите на пациентот.