Каква треба да биде исхраната по операција на карцином на желудник?

Основите на дијетата кај постоперативни состојби на желудникот се ограничен внес на течности и напивки за време на оброците и ограничен внес на конзумни шеќери. Препорачлива е хиперпротеинска дијета со умерена количина масти. Оброците треба да се мали, но чести. Во почетокот се внесува бистра течна храна, бистри супи, незаслатени овошни сокови. По одреден период, постепено се враќа вообичаената исхрана. Од намирниците се препорачуваат немасно месо, живинско месо, риба, јајца (само не пржени на масло или маст), путер, помалку масни намази од сирење, растителни масла, јогурт, млеко, збогатени видови леб и жита, овесени снегулки, тестенини, гравам крекери и јачмен. Компир, домати, брокула и друго зеленчук, свежо, замрзнато или конзервирано, но најдобро термички обработено. Сето овошје е дозволено, само без додаток на шеќер. Треба да се избегнуваат слатки, мед, џем, мармалад, напивки со чоколадо, како и изразито остра и зачинета храна. Најдобро е исхраната индивидуално да се прилагоди.