Каква треба да биде исхраната кај длабока венска тромбоза?

Кај длабока венска тромбоза не постои посебна дијета. Дозата на лек за антикоагулантна терапија се одредува врз основа на вредностите на INR, а секоја значителна промена во начинот на исхрана може да влијае на дејството на лекот, па затоа треба да се избегнува нагли промени. Сепак, важно е да се внимава на внесот на храна богата со витамин К, бидејќи преголема употреба може да го намали ефектот на лекот. Таква храна е спанаќот, брокулата и младиот кромид – тие се корисни намирници, но во периодот кога се консумираат во поголеми количини (на пример напролет), можат значително да ја променат вредноста на INR. Исто така, чајот од кантарион го намалува дејството на антикоагулантната терапија и не треба да се консумира за време на терапијата. Ако дојде до значителна промена во исхраната во текот на неколку дена, препорачливо е да се провери вредноста на INR.