Каква исхрана се препорачува кај остеопороза?

Со стареењето густината на коските природно се намалува поради постепен губиток на минерали од коскеното ткиво. Изразениот губиток на коскена маса се нарекува остеопороза. За густината на коските неопходно е внесување доволно калциум и витамин Д. Калциумот е важен минерал за многу функции во организмот и ако не се внесува доволно преку храна, телото го зема од коските, што ги прави тенки и лесно кршливи. Кај остеопороза во исхраната треба да се вклучат повеќе овошје и зеленчук, млечни производи (јогурт, кисело млеко, млад сир), јаткасти плодови (бадем, лешник) и сусам. Треба да се избегнува говедско и свинско печење, сувомесни производи, печурки, пченица, какао, кафе и пијалаци со кофеин. Исто така, треба да се избегнуваат алкохолни пијалаци кои содржат доста фосфор, бидејќи тој спречува таложење на калциум во коските.