Каква дијета е соодветна за мене?

Секако, во договор со нутриционист може да се утврди каков тип на дијета одговара. Типот на дијета зависи од целта, односно дали сакате да се здебелите или да смршате. На почетокот треба да се утврди причината за прекумерната или намалената телесна тежина - доколку не е хормонална, туку последица на режимот на исхрана. Потоа, според стандардниот протокол, се пресметува индексот на телесна маса, се мери обемот на половината, се пресметуваат дневните потреби во зависност од целната тежина и се составува распоред на оброци. Секоја личност е специфична за себе, па затоа е најдобро на почетокот да се консултира специјалист по исхрана - нутриционист, кој во договор со пациентот ќе одреди каков тип на дијета е потребен.