Каква диета се препорачува за намалување на креатининот во бубрезите?

Основи на диетата се: 1) Ограничен внес на вода и сол; 2) Ограничен внес на калиум; 3) Ограничен внес на фосфати. Целта на диетата е оптоварувањето на бубрезите да се сведе на минимум преку строга контрола на внесот на белковини, сол, натриум, калиум и количината на течност. Намирници со висока содржина на калиум: банана, лешник, бадем, орев, компир, зелка, грашок, леќа, говедско месо, варен ориз, чоколадо, какао, кајсии, суви смокви. Намирници со висока содржина на фосфати: млеко и млечни производи (особено тврди сирења), јајца, црн дроб и производи од црн дроб, месо и квасец, орев и семки, чоколадо и какао, сардина и рибна пастета. Препораки по групи намирници: МЕСО И РИБА – Да се избегнуваат: свинско месо, димени и варени шунки, телешко и говедско месо, пилешко бело месо, свинска џигерица, сардини во масло. Умерено: пилешки бут и крило, коњско месо, пилешка џигерица, јагнешко месо (месото воопшто да се јаде помалку, а може да се замени со соја-производи, печурки, грашок, боранија) и бела морска риба. Се препорачува: сина морска риба (сардели, гирички, скуша), туна – без додавање маст при подготовка. МЛЕЧНИ ПРОИЗВОДИ – Да се избегнуваат стари, презреани и мрсни сирења. Умерено: млеко, кисела павлака. Се препорачува: обичен јогурт или јогурт со пробиотски бактерии, кефир, младо сирење (со сурутка). Јајца – умерено, до 2 пати неделно по 2 парчиња. ЛЕБ И ЖИТАРИЦИ – Да се избегнуваат производи од бело брашно. Да се користат производи од интегрално брашно, пченични ичики и трици, интегрални житарки и снегулки. ЗЕЛЕНЧУК – Да се избегнуваат: спанаќ, зелка, компир. Умерено: домат, карфиол, магдонос, целер, тиквички, зелена салата, цвекло, грашок. Се препорачува: морков, зелка, пиперки, кромид, лук, краставица, боранија, печурки, тиква, соја, маслинки (несолени). Зеленчукот да се јаде свеж или кратко варен во мала количина вода. ОВОШЈЕ – Да се избегнуваат или користат помалку: диња, банана, рибизла, черешна, вишна, суво грозје, суви кајсии, сок од портокал. Умерено: јаболка, лимон, мандарини, сок од грејпфрут, слива, праска, јагода, круша, смокви, орев, лешник, бадем, костен. Се препорачува: боровинка, лубеница, купина, малина, грозје, шипинка (џем или чај). Овошјето да се јаде свежо или како компот без шеќер, а јаткастото овошје во малку количество. МАСНОТИИ – Да не се користат: свинска маст, маргарин, кајмак. Да се избегнуваат: путер и рафинирани растителни масла. Се препорачува: нерафинирано маслиново масло и ладно цедено сончогледово масло, додадени на крајот на готвењето. ШЕЌЕР И СОЛ – Да се избегнуваат или користат минимално: рафиниран шеќер, вештачки засладувачи, обична сол. Се препорачува: мед и морска сол. Пример за мени со 40г белковини: 1. Млеко (или јогурт) – 150мл 2. Младо посно сирење – 35г или 1 јајце 3. Месо (бут, крило или риба) – 50-70г, или сирење 4. Зеленчук (зелка, карфиол, раштан, морков, боранија, пиперка, цвекло, домат, краставица) – 400г 5. Интегрален леб 120г, тестенини без јајца 110г или ориз 170г 6. Овошје (круша, јаболко, портокал, праска, дуња, јагода, грозје) – 400г 7. Масти: маслиново масло, лажица ленено семе и тиквени семки 8. Џем, мед или мармалад по желба