Како исхраната влијае на нивото на хормонот пролактин?

До сега не е објавена валидна стручна медицинска студија за влијанието на одделни намирници или нутриенти врз нивото на пролактин. Одредени истражувања на мали примероци укажуваат дека намалениот внес на масти во исхраната може да доведе до пониски нивоа на пролактин. Се смета и дека зголемениот внес на животински протеини (месо, млечни производи) може да влијае на нивото на пролактин, а покажано е дека жените вегетаријанки имаат пониски вредности на овој хормон. Фенилаланинот, есенцијална аминокиселина, е важен за синтезата на допамин кој инхибира секрецијата на пролактин, па затоа користете кикирики, орев и бадем (10 бадеми дневно). Тирозинот е исто така важна аминокиселина во исхраната, па користете цело зрно пченица, овес, леќа, семки од сусам и тиква. Се смета дека дефицитот на цинк во организмот може да доведе до покачување на нивото на пролактин. Затоа во исхраната користете намирници богати со цинк: остриди, бакалар, ракчиња, коренче од ѓумбир, јагнешко месо, млад грашок, бела репка, желток, интегрална пченица, раж, овес, кикирики и бадеми. Значи, треба да внимавате на телесната тежина, да немате прекумерни килограми, да јадете во помали оброци на секои 3-4 часа, да не прескачувате оброци, да ги јадете сите групи намирници умерено, но да не претерувате со месо (максимум до 3 пати неделно), риба да јадете најмалку 2 пати неделно, да користите млечни производи со намален удел на млечна маст (дневно: 250 мл јогурт и до 100 г посно сирење), да не јадете пецена и пржена храна, висококалорични десерти со јајца и маргарин, павлака и обилно бело шеќер, да избегнувате пекарски производи и да ги вклучите во исхраната претходно споменатите намирници.