Како да се здебелам при 42 кг и 160 см со уредни наоди?

Кај многу млади луѓе мршавоста е нормална појава и може да биде предизвикана од брз раст и брз метаболизам, кои се јавуваат во адолесценцијата. Со годините метаболизмот станува побавен. За да добиете на тежина, пред сè мора да го зголемите калорискиот внес, а да го намалите трошењето на енергија. Воспоставувањето редовни навики во исхраната е најдобар начин да добиете на тежина. Лошите навики во исхраната, забрзаниот метаболизам, стресот или генетиката можат да допринесат да не можете да се здебелите. Во процесот на здебелување многу е важно да зголемите мускулна маса, а не сало, што може да предизвика неправилна исхрана. Затоа не е важна количината на храна, туку нејзиниот правилен избор. Ако некоја намирница е калорична, тоа не значи дека е хранлива и дека ќе ви помогне да изградите мускулна маса. Јадете намирници богати со протеини: јајца, месо, риба, млеко и млечни производи, орашести плодови, компир, грашок. Добар избор се и фрапеата. Намирниците богати со јаглехидрати се многу неопходни за да му обезбедат на организмот потребната енергија. Секојдневно вклучувајте во исхраната интегрални житарки и зеленчук. Салатите можете да ги обогатите со маслиново масло, сирење и ореви. Јадете здрави масти богати со омега масни киселини - маслиново масло, туна, лосос, ореви. Избегнувајте маргарин. Многу е важна редовноста во исхраната. Кога прескокнете некој оброк, на телото му го одземате енергијата и тоа посегнува по резервите. Избегнувајте кафе бидејќи кофеинот дава чувство на ситост. Наместо потешки физички активности, определете се за прошетка на свеж воздух, која е многу корисна, а на тој начин ќе ви се зголеми и апетитот.