Како да се вратам на тежината која ја сакам?

Не постои храна од која се дебелееме или се мршавееме. Клучот на решението е во паметен внес на храна и задолжителна физичка активност, што ќе придонесе за подобрување на метаболизмот, а организмот ќе ги користи своите природни механизми за регулација на телесната тежина. Мерењето еднаш неделно е наједноставен начин да се утврди дали сте во енергетски баланс. Ако внесувате повеќе калории отколку што трошите, тоа ќе се одрази со зголемување на телесната тежина, додека создавањето енергетски дефицит ја намалува. Бројот на калории потребен за енергетски баланс е изразито индивидуален и се менува од ден во ден во зависност од нивото на активност. Заедно со редовни оброци, внесувајте доволно вода и вежбајте најмалку еден час дневно.