Како да се намали вишокот килограми при висина 160 cm и тежина 79 kg?

Потребно е прво да се направи превентивен преглед и дијагностика за да се исклучат органски причини за прекумерната телесна тежина. Покрај тоа, зголемете ја физичката активност. Во исхраната воведете редовни оброци – три главни оброци и две мали ужини, при што вкупната дневна калориска вредност не треба да надминува 1200 калории. Изборот на намирници треба да вклучува повеќе зеленчук и овошје, малку интегрални житарки, посно месо или риба (околу 100 грама дневно), една чаша кисело млеко и едно парче сирење од 50 грама или едно јајце дневно. Внесувајте и доволно течности.