Како да се намали телесната тежина?

Чајот од магдонос, особено во комбинација со лимон, може да помогне при излачување на течности, но во поголеми дози не се препорачува бидејќи може да доведе до губење на калиум и нарушување на електролитната рамнотежа. Препорачаната доза е околу 500 ml благ чај дневно. За намалување на телесната тежина потребна е редукциона исхрана од околу 1200 kcal дневно, богата со зеленчук, овошје, интегрални житарки, помала количина посно месо, риба, обезмастено млеко и млечни производи со минимална количина млечна маст, како и доволна количина течности и вода. Препорачливо е повеќе движење и физичка активност, пред сè аеробна. Не се препорачува нагло губење на килограми, туку постепено, околу 2 kg месечно, со трајно воведување на здрави животни навики. Со сето ова, препорачлив е и превентивен преглед за да се исклучи можна хормонска или друга причина за прекумерна телесна тежина.