Како да се комбинираат исхраната и физичката активност за губење на телесна тежина?

Во право сте, физичката активност мора да се комбинира со промени во исхраната за да дојде до губење на телесна тежина. Затоа стручниот совет е да преминете на исхрана со 4 до 5 помали оброци, на секои 3-4 часа. Пример: за појадок во блендер измешајте јогурт и овесни ланчиња со 2 супени лажици мешавина од ленено семе, сончоглед и тиквени семки, па додајте на ситно сечено или рендано јаболко и една супена лажица мешавина од мелени ореви, лешници, бадеми и малку цимет. Наместо јогурт може да се користи и немасен сир. Потоа следи ужина со овошје (200 гр овошје), ручек (150 гр печено бело пилешко месо или риба, свежо зеленчуково варено или салата), уште една овошна ужина (едно овошје, 3 бадема) и вечера (супа од зеленчук или печен зеленчук, а може да се додаде и парче риба тон доколку тренингот бил попладне). Ако тренингот е навечер, тогаш вечера пред спиење не се препорачува - може да се пие сок од домати. Белото брашно треба целосно да се исфрли; повремено, наместо попладневна ужина, може да се земат 2 до 3 коцки црна чоколада или 2 интегрални кекса. Ако тренингот е во текот на денот, тогаш редоследот е: појадок, овошна ужина, потоа трет оброк нека биде салата, а вечерата најдоцна до 19:30. Примери на препорачани здрави вечери при редукциска исхрана: 1) парче нискомасен сир и салата од рукола и черри домати; 2) јогурт со 1% масти и салата од домати, краставица и 5 маслинки; 3) риба тон во сопствен сок и зелена салата; 4) три варени белки од јајце, парче нискомасен сир и салата; 5) пуешко или пилешко месо без кожа (150 гр) и салата од рендан целер, јаболко, малку јаболков оцет и 4 ореви; 6) салата од црвен фасул. Во салатите може да се додаде и половина супена лажица ладно цедено маслиново масло. Список на препорачани намирници кои може да се комбинираат за поразновидна исхрана: Зеленчук: пиперка, броколи, керцавец, зелка, карфиол, целер, цвекло, патлиџан, краставица, келераба, праз, зелена салата, рукола, моркови, печурки, спанаќ, домати, тиквички, кромид, ротквица и млад грашок. Протеини и млечни производи: мешункасти растенија (фасул, леќа, боб), јунешко месо, јајца (до 2 неделно), сите видови риба, дивеч, јагнешко, пилешко, пуешко месо, нискомасен јогурт до 1% масти (две шолји дневно, до 400 мл) и млад сир под 25% масти (до 100 гр). Житарки: пченица (варена), интегрален ориз, леб од цело зрно пченица, овес, зоб и просо, хељда, тонус леб. Напитоци: зелен чај, негазирана вода (најмалку 6 чаши дневно) и црно кафе (не повеќе од две шолји дневно, без шеќер). Масти: маслиново масло. Јаткасти плодови: бадем (8 парчиња дневно) или ореви (4 парчиња дневно). Овошје (две порции дневно, до 400 гр): малини, капини, боровинки, диња, јаболко, кајсија, грејпфрут, слива, киви, лимон, портокал, ананас и лубеница. Подправки: сите видови зачинско биље, кари, чили пиперка, лук, бибер, мускатно оревче, ротквица, цимет, ѓумбир, лимонов сок, сенф, винско сирце и ванила. Не додавајте дополнителна сол во храната - користете умерено калиумова или морска сол.