Губење на 15 кг за една година и слабост при тренинг - како да се врати телесната тежина?

Подигнете го калорискиот внес на околу 2300 kcal дневно. Еве неколку совети. Изберете храна со помал удел на вода, но богата со хранливи материи, како сушено овошје, банани, ореви и семки, грашок, пченка и леќа - намирници кои содржат многу калории, а се внесуваат во помала количина. На пример, половина шолја сушени кајсии има околу 200 kcal. Две парчиња интегрален леб со две лажички путер и шака сушени смокви или кајсии можат да додадат повеќе од 500 kcal, при што истовремено се внесуваат витамини, минерали и антиоксиданси. Салатите се одлични за поттикнување на апетитот, а покрај потребните витамини, кисела храна ги стимулира органите за варење и поттикнува потреба за храна. Не пијте вода непосредно пред јадење, бидејќи водата зафаќа простор во стомакот и предизвикува чувство на ситост. Јадете здрави закуски како ореви, семки од тиква или сончоглед. Чаша вино понекогаш, како аперитив, може да поттикне апетит. Витамините од Б-групата, кои се наоѓаат во пивски квасец, влијаат на зголемување на апетитот. Намирници богати со витамин Б3 се печурки, туна, лосос, шпаргла, зелка, јагнешко месо, скуша, мисирка, домати, тиква, карфиол и интегрална пченица. Намирници богати со витамин Б5 се печурки, брокула, грашок, леќа, домати, зелка, целер, јагоди, јајца, тиква и интегрална пченица. Препорачливи се и намирници богати со цинк: остриги, ѓумбир, јагнешко месо, треска, млад грашок, ракчиња, бела репа, желток, интегрална пченица, раж, овес, кикирики и бадеми. При готвење е препорачливо да се користат повеќе зачини, бидејќи тие го зголемуваат апетитот (на пример, лажичка цимет во јогурт, оригано во супи и зеленчукови бујони). Изберете производи со висока хранлива вредност, но во мала количина (сирења, интегрални крутони, пудинзи, јогурт со пробиотици, овошен јогурт со ниска маснотија, сладолед, крем сир, парченца сланина со омлет, маслиново масло преку салати и варен зеленчук, пире од компир со путер и млеко еднаш неделно, чоколадни намази, банани, млевени бисквити со овошна ужина, путер од кикирики). Обидете се исхраната да ја базирате на овие препорачани намирници.