Дали телесната тежина е во ред и дали е потребно слабеење кај девојче?

Индексот на телесна маса (БМИ) под 19, а особено под 18.5, укажува на пониска телесна тежина од очекуваната. Во такви случаи препораката е да се добие на тежина, а не да се губи. Важно е и дали девојчето веќе го добило менструалниот циклус, бидејќи во тој период доаѓа до физиолошко зголемување на тежината и формирање на типичната женска телесна градба. По добивањето на циклусот препорачливо е да се почека околу година дена пред да се разгледуваат промени во исхраната или намалување на тежината, во зависност од телесната градба и генетската предиспозиција. Најдобра препорака за овој период е континуирана физичка активност, по можност преку колективен спорт, редовни оброци дома и избегнување пецива и брза храна.