Дали супа со резанки е добар избор за вечера?

Во последно време супите со резанки станаа доста популарни на нашиот пазар, со реклами дека за три едноставни чекори и за три минути може да се подготви вкусен и хранлив оброк, прифатлив за секој домашен буџет. Меѓутоа, супите со резанки немаат ни приближно доволно хранливи материи колку што бара здрава исхрана. А дали угојуваат? Ништо не угојува ако се внесува во умерени количини - човек се угојува само ако внесот на храна е поголем од потрошувачката. Тоа значи дека супа со резанки еднаш до двапати неделно е прифатлива опција, но најдобар избор за вечерен оброк е супа од зеленчук, домашна супа од шаргарепа, першун, кромид и пилешко месо.